Районда көн уртасына сайлаучыларның 81,3 проценты тавыш биргән

(19 сентябрь, “Апастово-информ”).

Районның сайлау участокларында актив тавыш бирү дәвам итә.
Бүген - сигезенче чакырылыш Дәүләт Думасына сайлауларның төп көне уза.
“Сәгать көндезге 12гә барлыгы 12272 кеше тавыш бирде. Бу 81,3 процентны тәшкил итә”, - дип белдерде районның үзәк сайлау комиссиясе рәисе Гөлнара Садыйкова.
Районда сайлаулар оешкан төстә үтә. Халык актив катнаша. Сайлау барышы белән район башлыгы Равил Хисаметдинов һәм районыбыз кураторы, "Ак Барс" Банк идарәсе җитәкчесе Зөфәр Гәрәев тә танышты. Алар шулай район мәдәният йортында урнашкан 879 нчы сайлау участогында үз тавышларын да бирделәр.