Сайлау участокларында тәртип сакчылары кизү тора

(19 сентябрь, “Апастово-информ”).

Районда сайлауларга барлыгы 57 эчке эшләр бүлеге һәм гадәттән тыш хәлләр бүлеге хезмәткәре җәлеп ителгән. Сайлаулар көнендә хокук тәртибен һәм җәмәгатьчелек куркынычсызлыгын тәэмин итү өчен республикадан 30 эчке эшләр бүлеге хезмәткәре килгән.
“Безнең хезмәткәрләр өч көн дәвамында иртәнге 8 дән, кичке 8 гә кадәр сайлау участокларында тәртип сагында тора. Аларга ирекле халык дружинасы вәкилләре дә ярдәм итә. Тавыш бирүләр тыныч кына бара. Хокук бозу очраклары күзәтелмәде”, - диде полиция начальнигы Фәнис Шәрәфуллин.