Балаларга ютәлдән кәнфит ясыйбыз

Кирәк булачак: бал - 250-300 грамм һәм төелгән имбирь - 1 чәй калагы.

Әзерләү:
Бал белән имбирьне бергә кушып, талгын утта 1,5-2 сәгать кайнатабыз.

Балны еш болгатмагыз. Өстәл өстенә төшкән тамчы ката башлаганчы кайнатырга кирәк.

- Катнашманы кечкенә савытларга салып суытыгыз. Ул анда ябышмасын өчен савытларны тәүдә майларга мөмкин.

Катнашмага лимон суты яисә татлы тамырдан (солодка) ясалган кайнатма кушырга мөмкин. Кәнфитләргә таякчыклар кадап суытсагыз, ул чупа-чупсны да хәтерләтә әле. Балага көненә 3-4 шундый кәнфит бирегез.

Чыганак: https://kiziltan.ru/articles/poleznoe/2022-12-15/balalarga-yut-ld-n-k-nfit-yasyybyz-3073323