Косметологта ботокс ясаткач, ботулизм иярмәсен өчен нишләргә?

  28 сентябрьдә хәбәр ителгәнчә, Махачкалада яшәүче хатын-кыз косметология процедурасы вакытында ботулотоксин инъекциясе ясата һәм ботулизм белән авырый башлый. Процедурадан соң 4нче көндә анда мускуллар хәлсезлеге, йоту һәм чәйнәү бозылу, сулыш алу кыенлашу, шулай ук күз кабагы птозы (төшү) күзәтелә.

  Дагыстан буенча Роспотребнадзор хәбәр иткәнчә, Россия территориясендә теркәлмәгән препаратны кертү нәтиҗәсендә, ятроген (медицина процедурасы уздыру белән бәйле) ботулизм барлыкка килү очрагы ачыкланган.

  «Бөтен препаратлар да реестрда медицина эшләнмәсе буларак теркәлергә тиеш. Бу – пациентларның иминлеген тәэмин итә. Табиб шприцка ниндидер сертификатсыз медицина эшләнмәсе ала икән – бу башка очрак, биредә зур сорау туа», – ди косметолог.

  Аның сүзләренчә, процедура медицина лицензиясе булган клиникада уздырылса, препаратның куркынычсызлыгы гарантиясен табиб бирергә тиеш. Моннан тыш, гарантияне сатучы да бирә.

  «Без препаратларны рәсми дистрибуторлардан алабыз. Препаратлар бөтен тикшерүне узарга тиеш, аларның регистрация таныклыгы булырга тиеш», – ди Савиных.

  Аның сүзләренчә, медицина лицензиясе булган клиникаларга гына мөрәҗәгать итәргә кирәк. Шик туса, табибтан бөтен документларны сорагыз, ди ул.

• Яшәртә торган ботокс агулымы, бал корты чакканнан кеше үләме, агулы еланны ерактан танып буламы – Сәрбиназ Шәйхеловадан татарча фәнни лекция

  _{Чыганак:https://intertat.tatar/news/kosmetologta-botoks-yasatkac-botulizm-iyarmasen-ocen-nislarga-5868838}

  _{Фото:https://ru.freepik.com/free-photo/young-beautiful-woman-getting-skin-mask-treatment_12112103.htm#fromView=search&page=1&position=10&uuid=a3732ce3-91b6-4b1e-b15a-bb674fa24787}