“Алтын алка“ боз сараенда балалар бакчасы нәниләре ярышты
“Алтын алка“ боз сараенда “Кояшкай“ һәм “Салават күпере“ балалар бакчасы нәниләре арасында “Күңелле стартлар“ узды.
(22 апрель, “Апастово-информ“).
Бу сезон ябу ярышлар иде. “Кояшкай“ һәм “Салават күпере“ балалар бакчаларында тәрбияләнүче, боз сараенда шөгыльләнүче 45 бала арасында күңелле ярыш узды. Кызлар һәм малайлар да боз өстендә үз осталыкларын күрсәтте. Бу хакта хоккей буенча тренер Ленар Мотыйгуллин хәбәр итте.
“Чара Туган телләр һәм халыклар бердәмлеге елы уңаеннан оештырылды. 23 апрельдә шундый ярышлар Каратун һәм Биеш балалар бакчаларында тәрбияләнүче, спортны үз иткән нәниләр арасында булачак 0+“, – диде Ленар Мотыйгуллин.
Балаларның барысы да медальләр алды һәм шатланып бакчаларына кайтып китте.
Следите за самым важным и интересным в Telegram-каналеТатмедиа
Нет комментариев