Апас егетләре – көрәш ярышы батырлары

(2 июнь, “Апастово-информ“).

Биредә районның яшь спортчылары да көч сынашты. 2004 елгы һәм аннан да яшьрәк егетләр келәмдә сыналды һәм күркәм нәтиҗәләргә иреште.
Апас мәктәбеннән Мөхәммәтшин Азамат, Чүрибураш мәктәбеннән Раян Нургалиев, Рузиль Галиев үз үлчәмнәрендә беренче урынны яулады. Икенче урынга Апас мәктәбеннән Владислав Петров, Камил Сафиуллин, Чүрибураш мәктәбеннән Раяз Яруллин лаек булды. Чүрибураштан Линарт Фархшатов, Апастан Альмир Сабиров, Рияз Егоров өченче урынга чыкты. Бу хакта районның спорт мәктәбе тренеры Ринат Гыйламов хәбәр итте.