Апаслылар шахмат буенча зона ярышларында беренче урынны яулады
Буада “Буыннар элемтәсе” дип исемләнгән республикакүләм шахмат ярышларының зона туры узды.
(10 апрель, “Апастово-информ”).
Районның яшьләр эше һәм спорт бүлеге җитәкчесе Ленар Мотыйгуллин хәбәр иткәнчә, биредә өлкәннәр үләренең балалары һәм оныклары белән катнашкан.
“Өч буынны берләштергән әлеге үзенчәлекле шахмат ярышларында Зур Күккүздән Таһировлар гаиләсе катнашты. Алар зона ярышында беренче урынны яулады. Тиздән гаилә Казанда финал ярышларында район данын яклаячак”, - ди Ленар Мотыйгуллин.
Алданрак “Буыннар элемтәсе” ярышларының район туры узганын хәбәр иткән идек. Ярышларны оештыруда һәм команда туплауда Пенсионерлар Союзының җирле бүлеге, яшьләр эше һәм спорт бүлеге өлеш кертте.
Следите за самым важным и интересным в Telegram-каналеТатмедиа
Нет комментариев