Апасның яшь волейболчылары Зөфәр Зәмдиханов Кубогына көч сынашты
Волейбол ярышлары 11нче тапкыр оештырылды.
(29 октябрь, “Апастово-информ”)
Биеш мәктәбе директоры Зөфәр Зәмдиханов Кубогына волейбол ярышлары “Апас” спорт комплексында узды. Ярышларда 9 команда катнашты. Яшь волейболчыларны район Советы аппараты җитәкчесе Ринат Гыйльфанов, мәгариф бүлеге мөдире Гөлүсә Галләмиева сәламләде. Яшьләрне спортка тарткан, сәламәт яшәү рәвеше алып баруга өндәгән, мәгариф өлкәсенә зур өлеш керткән укытучы, Биеш мәктәбе директоры Зөфәр Зәмдиханов район башлыгының Рәхмәт хаты һәм район мәгариф бүлегенең Грамотасы белән бүләкләнде.
“Максатым – яшь буынны тәрбияле, сәламәт итеп тәрбияләү. Волейбол ярышлары да спортка карата кызыксыну уяту, аралашу чарасы булып тора”, - диде Зөфәр Зәмдиханов.
Ярышлар көн дәвамында барды. Иң җитез һәм оста уенчылар беренчелекне яулады.
Следите за самым важным и интересным в Telegram-каналеТатмедиа
Нет комментариев