Апаста «Милләтләр кроссы” узды
Ил күләмендә узучы йөгерү көненә райондашлар да бик теләп кушылды.
(21 сентябрь, “Апастово-информ”).
Апасның Яр буенда иртәдән үк шат авазлар, җырлар яңгырап торды. Бирегә килгән һәркемнең күңеле күтәренке иде. Кояш нурлары да дәрт, көч өләште. Районның балалар бакчалары нәниләре, мәктәп укучылары, хезмәт коллективлары, җитәкчеләр бердәм булып килеп, җитезлекләрен сынарга ашыкты. Тормышны яратып, спортны үз итеп яшәгән гаиләләр бәйрәмгә аеруча ямь өстәде. Катнашучыларга район башкарма комитетының эшләр идарәчесе Ринат Гыйльфанов һәм спорт һәм яшьләр бүлеге җитәкчесе Ленар Мотыйгуллин да хөрмәтен белдерде.
Иң җитезләргә Грамотлар һәм истәлекле бүләкләр тапшырылды.
Следите за самым важным и интересным в Telegram-каналеТатмедиа
Нет комментариев