Апаста район башлыгы кубогына волейбол ярышлары үтә

(17 декабрь, “Апастово-информ”).

Биредә Апас, Буа, Кама Тамагы, Кайбыч, Тәтеш районы командалары катнашты.
“Апас универсал спорт залында бүген зонакүләм волейбол ярышлары бара. Ир-атлар командалары үзара көч сынаша. Җиңүчеләр район башлыгының күбогын һәм бүләкләр алачак”, - диде районның яшьләр эше бүлеге җитәкчесе Илсур Хәлимов.
Ярышларны ачу тантанасында район башлыгы Айрат Җиһаншин катнашты һәм гадел җиңүләр теләде.
“Барыгызны да спорт бәйрәме белән котлыйм. Волейбол ярышын популярлаштыруга өлеш кертүегез өчен рәхмәтемне белдерәм. Сәламәт яшәү рәвеше алып барырга чакырам”, - диде район башлыгы.