Апаста “Россия чаңгы юлы – 2023” ярышлары узачак

(10 февраль, “Апастово-информ”).

«Россия чаңгы юллары» – 1982 елдан башлап ел саен үткәрелә торган иң зур Бөтенроссия чаңгы ярышы һәм һәркем өчен кышкы спорт бәйрәменә әверелде. Ул һәр ел саен районда да уза.
“Ярышта хезмәт коллективлары, мәктәп балалары, өлкәннәр һәм спортны якын итүче барлык райондашлар катнаша”, - ди районның яшьләр эше һәм спорт бүлеге җитәкчесе Илсур Хәлимов.
Спорт бәйрәмендә катнашучыларга кайнар чәй эчү, коймак белән сыйлану мөмкинлеге дә булачак.
Башлана – 10.00 сәгатьтә. 0+