Апаста Халыклар Бердәмлеге көне уңаеннан спорт чаралары уза

(4 ноябрь, “Апастово-информ”).

Районыбыз яшьләр эше һәм спорт бүлеге бәйрәм уңаеннан спорт чаралары графигы төзеде. План нигезендә, “Алга” яшүсмерләр клубында самбо түгәрәгенә йөрүче балалар өчен “Капитан” уеннары оештырылды, “Дельфин” бассейнында өлкәннәр “Бәхетле картлык” чарасында бушлай йөзү күнекмәләрен ныгыттылар, Апас спорт мәктәбендә яшь спортчылар футбол һәм волейбол уйнап көч сынаштылар, “Алтын алка” Боз сараенда балаларга әти-әниләре белән бергәләп ирекле шуу мөмкинлеге тудырылды.
Ял, бәйрәм көннәрен, спорт белән дус булып, файдалы үткәрик!
Бәйрәм чаралары дәвам итә.