Биеш мәктәбендә волейбол ярышлары бара

  Биредә барлыгы 15 команда катнаша. Шулай ук Кама Тамагы, Кайбыч, Буа районнарыннан да командалар килгән.
  "Советлар Союзы герое Дмитрий Горбунов исемен йөртүче мәктәбебездә 13 тапкыр волейбол ярышлары уза. Район мәктәпләреннән командалар, күрше районнар да кушылды. Барысына да уңышлар! , - диде мәктәп директоры Зөфәр Зәмдиханов.
  Ярышта катнашучыларны район спорт һәм яшьләр эше бүлеге җитәкчесе Ленар Мотыйгуллин район башлыгы исеменнән сәламләде. Зөфәр Зәмдихановка район башкарма комитеты җитәкчесе Булат Әхмәтҗанов исеменнән Рәхмәт хаты тапшырды.