Чүрибураш егете Раян Нургалиев кабат җиңү яулады

(20 ноябрь, “Апастово-информ”).

Көрәш турниры Уфа шәһәрендә узды. Ул полиция генерал-лейтенанты А.Ф.Әхмәтханов истәлегенә багышланды. Көрәш турнирына илнең төрле төбәкләреннән көрәшчеләр җыелды. Чүрибураш егете Раян Нургалиев Татарстан Республикасын тәкъдим итте. Егет матур көрәш алымнары күрсәтеп, югары уңышка иреште. Котлыйбыз. Яшь батырга киләчәктә дә уңышлар юлдаш булсын!
Раян Нургалиевның уңышлары бихисап. Ул быел Апас Сабан туенда яшьләр арасында баш батыр калды.Казан Сабан туеннан да тәкә һәм бүләкләр белән кайтты. Егет бүгенге көндә Казан педагогия көллиятендә һөнәр үзләштерә. Укуында да сынатмый.