“Дельфин” йөзү бассейнында әниләр һәм балалар ярышты

(4 гыйнвар, “Апастово-информ”). 
Районның спорт сөюче гаиләләре йөзү ярышларында да сынатмадылар. Әниләр, апалар һәм балалар бергәләшеп суда йөзү буенча җитезлекләрен сынадылар, уңышларга ирештеләр. Районның спорт һәм яшьләр бүлеге җитәкчесе Илсур Хәлимов һәм спорт объектлары җитәкчесе Ирек Яраханов җиңүчеләрне тәбрик итеп, Грамоталар тапшырдылар. 
“Гаилә бәйрәмнәрегез күп булсын. Спортны үз итеп яшәгез, сәламәт булыгыз”, - диделәр алар.