Раян Нургалиев – Казан Сабан туеның баш батыры

(28 июнь, “Апастово-информ”).

Биредә район башлыгы Айрат Җиһаншин җитәкчелегендәге делегация катнашты һәм мәркәзебез кунакларына күңелле ял оештырды. Апаслылар спорт ярышларында да катнашты.

Чүрибураш авылы егете, Апас Сабан туенда яшьләр арасында баш батыр калган Раян Нургалиев Казан Сабан туеннан да тәкә һәм бүләкләр белән кайтты.

Ул биредә дә яшьләр арасында баш батыр дәрәҗәсен яулады һәм матур көрәш алымнары күрсәтте.
Яшь батырга киләчәктә дә уңышлар юлдаш булсын! Ул дәү әтисе Иршат һәм әтисе Русланның дәвамчысы! Андый егетләр үскәндә көрәш келәмнәре буш тормас!