Зур Күккүз мәктәбе укучылары спорт бәйрәмендә гаиләләре белән катнашты
Зур Күккүз мәктәбенең спорт мәйданчыгында «Зур гаилә яллары» проекты кысаларында «Бөтен гаилә белән стартка » спорт бәйрәме узды.
(17 май, “Апастово-информ”).
Ярышларда укучылар әти-әниләре белән катнашты.
“Һәр кешенең тормышында иң мөһиме - аның гаиләсе. Сәламәтлекне юлдаш итеп, спорт белән дус булып яшәгез”, - диде Зур Күккүз мәктәбе директоры Эльвира Сөнгатуллина.
Ул барысын да бәйрәм белән котлады һәм спортчыларга уңышлар теләде. Әлеге чараны физкультура укытучысы Илфат Гайфуллин алып барды.
Күңелле эстафета катнашучыларга һәм җанатарларга бик күп уңай тәэсирләр бүләк итте.
Ярышлар нәтиҗәләре буенча катнашучылар грамоталар һәм призлар белән бүләкләнделәр.
Следите за самым важным и интересным в Telegram-каналеТатмедиа
Нет комментариев