Апас халкы сәламәт һәм озын гомерле булырга тиеш. Бу – баш табиб фәрманы

Районда халыкка түләүсез медицина күзәтүе үткәрү дәвам итә. 21 яшьтән 99 яшькәчә булган райондашлар өч елга бер тапкыр тулы медицина күзәтүе узарга тиеш. "Быел 2080 райондашыбызның сәламәтлек дәрәҗәсен тикшерү һәм билгеләү планлаштырыла. Һәр җитәкчедән хезмәткәрләрне графикка нигезләнеп, вакытында табиблар янына җибәрүләре сорала. Чөнки графиктан төшеп калган хезмәткәр кабат өч елсыз мондый күзәтүне үтә алмаячак. Сәламәтлеккә битараф калу ярамый, чөнки вакытында ачыкланган авыруны дәвалау күпкә җиңел һәм нәтиҗәле", - ди районның баш табибы Ленар Әхмәтянов.