Апас “Туган якны өйрәнү” музеенда яңа тарихи күргәзмә-диорама ачылды

Плейстоцен Җир шарында 65 мең ел элек үткән бозлык чоры белән бәйле. "Туган якны өйрәнү" музеенда шул ерак гасырларны искә төшереп, Апас ягы ландшафты, йонлы мөгезборын, бизон, мамонт, тау куышы арысланы, үгезсарык һәм тарпан атларының кечерәйтелгән карачкылары (барлыгы тугызау) экспозициясе монтажланды. Апас музеенда бу борынгы хайваннарның сөякләре күптәннән бар инде, аларның барысы да районда археологик экспедицияләр барышында табылган.

Тарихи күргәзмәнең беренче тамашачылары-биредә 24 августта үткән район педагогик конференциясендә катнашкан район мәктәпләрненең татар теле укытучыларына диорама бик ошады.

Эшнең авторы-Киров шәһәренең тарих-геология музее фәнни хезмәткәре Андрей Скворцов мондый экспозиция-диорама Татарстанда әлегә бердәнбер дип белдерде.