Апаста Тыл ветераннары хөрмәтләнде

(26 нчы февраль, “Апастово-информ”).

  Апас шәһәр тибындагы поселогы башкарма комитеты җитәкчесе Луиза Сафина, Апас урта мәктәбе директоры, җирлек депутаты Гүзәлия Зиятдинова, “Яшь армияче”ләр ветераннарның өйләрендә булып “1941-1945 еллардагы Бөек Ватан сугышында Җиңүгә 80 ел” юбилей медален тапшырдылар. Укучылар эчтәлекле чыгышларын бүләк иттеләр.
  “Җирлек буенча сигез кешегә юбилей медальләрен тапшырдык. Хәлләрен сораштык. Мондый очрашуларда ветераннарыбызны борчыган мәсьәләләрен дә хәл итәргә тырышабыз. Бүгенге көнгә өлкәннәребез Аллага шөкер кадер-хөрмәттә. Сәламәтлектә, тынычлыкта яшәсеннәр”, - диде Луиза Сафина.