Табар Черкене мәктәбендә строй һәм җыр буенча район смотр-бәйгесе узды
2025 ел - Ватанны саклаучылар елы һәм Бөек Ватан сугышында Җиңүнең 80 еллыгы уңаеннан, укучылар арасында строй һәм җыр буенча бәйге оештырылды.
(28 февраль, “Апастово-информ”).
Мәктәп төркемнәре гаскәр төре һәм формасын, команда исемен сайлап, үзләренең җырлары белән чыгыш ясадылар. Командирларының командаларны үтәп һәм строй җырын башкарып, сафта яхшы әзерлек, бердәмлек күрсәттеләр.
Мондый конкурслар хәрби-патриотик хисләр формалаштыруга, баланың физик камиллегенә һәм сәламәтлекләрен ныгытуга ярдәм итүче мөһим чара булып тора.
Чарада район башкарма комитеты җитәкчесе урынбасары Гөлүсә Галләмова, район мәгариф бүлеге мөдире Гөлүсә Галләмиева катнашты.
Районның “Яшь армия” штабы җитәкчесе Марсель Хикмәтов бәйгедә барлык район мәктәпләренең дә командалары катнашуын, җиңүче төркемнең республикага район данын якларга баруын билгеләп узды.
Следите за самым важным и интересным в Telegram-каналеТатмедиа
Нет комментариев