Зур Күккүзнең батыр уллары истәлегенә ярышлар үтте

(11 март, “Апастово-информ”).

  Авыл җирлеге башлыгы Рамил Җәләлиев барлык катнашучыларны сәламләде, уңышлар теләде.
  -Батыр егетләрне авылдашлар онытмыйлар, аларның истәлегенә ярыш уздыру бик күркәм күренеш. Мондый чаңгы ярышлары ел саен узачак, - диде ул.
Районның яшьләр эше бүлеге җитәкчесе Ленар Мотыйгуллин Тәлгать абый һәм Асия апа Хафизовларга, Фәнис абый һәм Тәскирә апа Зәйнетдиновларга, Илшат абый Әскәровка батыр ул үстерүләре өчен район башлыгы исеменнән олы рәхмәт сүзләрен җиткерде.
Спортчылар да сынатмады. Җиңүчеләргә Грамота, медальләр һәм бүләкләр тапшырылды.
  Ярышта районның хәрби хәрәкәт ветераннары да катнашты. Алар шулай ук бүгенге көндә махсус хәрби операциядә булган егетләргә җиңүләр, балаларын югалткан гаиләләргә күркәм сабырлыклар теләделәр. Ярышлар вакытында ГТО нормативлары да тапшырылды.