“Бер рәхмәт сүзе ишетү күңел күтәренкелеге өсти”

(8 июнь. “Апастово-информ”).
Апаста яшәүче Лилия Хәсәнова 25 елга якын социаль хезмәткәр булып эшли, өлкәннәрнең өйләренә барып социаль ярдәм күрсәтә. Бу еллар эчендә күпме әби-бабайларның ярдәмчесенә, киңәшчесенә һәм үз кешесенә әверелгән ул. Бүгенге көндә дә өлкән кешеләр аның күңел җылысын, ярдәмен тоеп гомер кичерә.
“Һәр көн саен бик күп тапкыр рәхмәт сүзен ишетү миңа күңел күтәренкелеге өсти. Кемгәдер ярдәм итә алуыма сөенәм. Алар янына эшкә дип түгел, үз кешеләрем янына килгән кебек киләм, - ди Лилия Хәсәнова”.