Дәвеш авылыннан Наилә һәм Азат Әхмәдиевлар ноябрь аенда уллары Аязны хәрби хезмәткә озаттылар

Аяз бүгенге көндә Ульяновск шәһәрендә элемтә гаскәрләрендә хезмәт итә.
-Газиз балаңны ерак җирләргә озатуы бер Анага да җиңел түгелдер ул. Шулай да хәрби хезмәт юлы - һәр ир-егет өчен дә бик мөһим дип саныйм. Чөнки егет кеше армиядә тормыш мәктәбен уза, җитлегеп, чыныгып кайта, мөстәкыйльлеккә өйрәнә, - ди Аязның әнисе.
Аяз үзе Осиново бистәсендә туган һәм шунда урта белем алган. Аннан соң Казанда Архитектура-төзелеш көллиятендә һөнәр үзләштергән. Иптәшләре кебек үк спорт белән мавыга, футбол уйнарга ярата.
-Улыбыз белән хәбәрләшеп торабыз. Бер дә зарланмый. Шалтыратып сөйләшкәч рәхәт булып китә. Һәр Ананың күңеле тыныч булсын иде, - дип тели Наилә ханым