Филология фәннәре докторы, Татарстан Республикасы дәүләт гербы идея авторы Назыйм Ханзафаров 31 декабрь көнне арабыздан китеп барды

Аны бүген башкалада үткәрелгән хушлашу мәрәсименнән соң, туган ягы - Кайбычка алып кайтып җирлиләр.
Назыйм Ханзафаров 1937 елның 12 сентябрендә Кайбыч районының Олы Кайбыч авылында дөньга килгән. 1975 елдан филология фәннәре кандидаты, ә 1996 елда филология фәннәре докторы гыйльми дәрәҗәләренә ирешкән галим 1977 елдан Галимҗан Ибраһимов исемендәге Тел, әдәбият һәм сәнгать институтында хезмәт куя. 1999-2001 елларда әдәбият белеме бүлеген җитәкләп, 2004 елда лаеклы ялга киткән иде. 2022 елда 85 яшьлеген билгеләп үткәндә китабы дөнья күрде.