Ильмира Нәгыймова белән Марат Яруллинның яңа дуэты халык арасында бәхәс тудырган

  «Үбим әле,

  Үрелмә син.

  Үбим әле,

  Үрелмә син», – дип җырлый алар, бер-берсенә сыенып.

  Комментарийларда халык кабат Марат, Ильмира, Руслан – мәхәббәт өчпочмагы турында язган. Алар үзара бәхәскә кергән.

  – И Аллам. Ильмира кемне кемгә алыштырдың син. Синең яшең бара бит инде, 2 бала әнисе, азрак җитди булырга кирәк, урам балалары кебек түгел. Руслан белән тиңләрлек кеше түгел инде.

  – Алып кит инде ул Русланны үзеңә, алып кит!

  – Русланның кем икәнен беләсезме соң? Кем соң ул шулхәтле, бер адәм, бәләкәй малай кебек елап утыра камерага. Руслан кешеме соң ул, балаларга ярдәм итми түгелме соң?!

  – Монда ярдәм итү турында сүз бармый. Ильмираның үзен тотышы турында сүз бара, тамашачысы – мәктәп балалары.

  – Үз балалары Русланга кирәкмәгәч, андый ир нәрсәгә кирәк? Статус өченме? Марат белән Ильмира бик килешеп тора, тапканнар үзләрен. Монда бәхет теләргә, ә үткәнне искә алырга кирәкми.

  – Нинди бәхет? Ильмира тамашачыларга «безнең арада берни дә юк» дип ышандырды.

  – Нигә ул меңләгән кешегә хисләрен ачып ташларга тиеш? Шәхси тормышы...

  – Бергә җырлагач, бергә булырга тиешмени соң алар? Бу бит – дуэт, пиар!. Уразова белән Элвин Грей җырлап йөрделәр. «Мы будем с тобой, иншаллаһ», – дип. Бу – бары тик аларны эшләре. Ильмира, кызым, бик матур, молодец. Кешедә кешенең эше юк, ошамаса, карамагыз.

  – Күп артистлар дуэт яздыра, Ильмира гына түгел. Фирдүсне сәхнәгә менеп кочаклап, ирененнән үбеп төшеп китәләр. Ильмира молодец! Берүзе алып бара тормышны, көчле рухлы кеше. Шулай, бары алга! – дип тәмамланган диалог.

  «Кайчан туй?» – дип сорап куйган бәхет теләүче берәү.

_{Чыганак:https://intertat.tatar/news/ilmira-nagyimova-belan-marat-yarullinnyn-yana-duety-xalyk-arasynda-baxas-tudyrgan-5868114}

_{Фото социаль челтәрдән}