Апас мәктәбе укучылары районның баш юл инспекторы белән иминлек кагыйдәләре турында сөйләште

(2 июнь, “Апастово-информ”).

Җәйге каникуллар алдыннан узучы әлеге чарада районның ЮХИДИ бүлеге җитәкчесе Румбик Гәрәев катнашты. Ул укучылар белән әңгәмә уздырды, юл хәрәкәте кагыйдәләрен тагын бер кабат исләренә төшерде, яктылыкны кире кайтаручы элементларга өстенлек бирергә чакырды.

Велосипедлар белән идарә итү кагыйдәләренә һәм гироскутерлар, моноколеслар кебек шәхси мобильлек чараларына аерым игътибар бирде.

Әңгәмә ахырында балалар юл-транспорт травматизмын профилактикалау буенча уздырылган чараларда, акцияләрдә актив катнашкан өчен ЮИД отряды активистларын Дипломнар белән бүләкләде.

“Юлларда сак булыгыз! Үзегезне саклагыз, якыннарыгызны борчуга салмагыз. Барыгыз да исән-имин яңа уку елын каршыларга язсын”, - диде Румбик Гәрәев.