Апас мәктәбе спорт залында баскетбол буенча ике көн рәттән ярышлар үтте

2014-2015 уку елларында мәктәп Спартакидасы программасына 10 га якын спорт төре керә. Бу уку елы башыннан инде 15 кә якын төрле ярышлар уздырылды. Чираттагысы-баскетбол буенча ярышлар ике көн рәттән Апас мәктәбе спорт залында үтте. 5 декабрьдә мәктәпләрнең ир-егетләре ярышты, анда 14 команда катнашты. Равил Гыйззәтов әзерләгән Апас мәктәбе командасы беренче, Каратун мәктәбе командасы (тренер Зөфәр Нигъмәтҗанов)-икенче, аграр көллият баскетболчылары (тренер-Марат Мифтахов) өченче урын яулады. 6 декабрьдә кызлар арасында үткән турнирда беренче урында- Апас мәктәбе яшь баскетболчылары (тренер-Рәмис Гыйззәтов). Икенче урында -каратунлылар (тренер Зөфәр Нигъмәтҗанов). «Сәләт» балалар иҗат үзәге командасы- өченче. Ярышка 13 мәктәп командасы килгән иде.