Апаска зур хоккей килде

Апасның «Алтын алка» Боз сараенда 2014-2015 ел, Татарстан җирле хоккей район клублары беренчелегендә районыбызның «Свияга» хоккей командасы «А» дивизионында 1 ноябрьдә матчлар сериясен башлап җибәрде.

Ябык спорт Боз Сарайларында уйнаучы командалар арасында кичә, 4 ноябрьдә, үткән очрашуда апаслылар Югары Ослан хоккейчыларын 16:1, 3 ноябрьдә тәтешлеләрне 10:5, 2 ноябрьдә Кама Тамагы районы хоккей командаларын 14:3 исәбе белән җиңделәр. 1 ноябрьдә Кайбыч районы хоккей командасына оттырдылар. 10 ноябрьгә кадәр апаслылар үз бозларында Буа белән Чүпрәле районнары хоккей клублары җыелма командаларын кабул итәчәк.