Апаста “Җәяүле” операциясе бара

(28 март, “Апастово-информ”).

Районның ЮХИДИ бүлегеннән хәбәр итүләренчә, операциянең төп максаты – юл бәла-казаларында җәяүлеләр имгәнүләрен профилактикалау. Әлеге чара кагыйдә бозучы җәяүлеләрне һәм шул ук вакытта машина йөртүчеләрне дә контрольдә тотарга ярдәм итә.

“Юл хәрәкәте иминлеге хезмәте бу профилактик чара вакытында, машина йөртүчеләрнең җәяүлеләргә, җәяүле кичүләрендә хәрәкәт итү өстенлеген бирмәвенә, ә җәяүлеләрнең, мондый кичүләр булмаган урыннарда юл аркылы үтүләренә аерым игътибар бирәчәк, яктылыкны кайтаручы элементлар киюгә игътибар биреләчәк”, - ди ЮХИДИ бүлеге җитәкчесе Румбик Гәрәев.