Апаста узган “Тоннель”дә төп игътибар бала иминлегенә бирелде

Районның юл хәрәкәте иминлеге дәүләт инспекторлары район эчке эшләр бүлеге хезмәткәрләре белән берлектә “Тоннель” операциясе уздырды. Алар иртәнге сәгатьләрдә балалар бакчасы һәм мәктәп янәшәсендә шофер әти-әниләр белән очрашты. Бала иминлегенә төп игътибар бирелде.

- Юлда йөрү кагыйдәләренең 22.9 пункты буенча җиңел машинада балаларның буена, авырлыгына туры килгән куркынычсызлык җайланмалары булырга тиеш. Аннан башка 12 яшь тулганчы баланы алгы урындыкка, 7 яшь тулганчы арткы урындыкка утыртырга ярамый, - ди район ЮХИДИ бүлеге җитәкчесе Румбик Гәрәев.