Чурибураш егете Раян Нургалиев быел җәйдә 3 тәкә алган

Ул районкүләм ярышларда чыныгу алып, республикакүләм көрәш келәмнәрендә дә үзен сыный. Казан, Яшел Үзән, Буада узган көрәш ярышларында үз үлчәм категориясендә Чемпион кала. 
Быелгы Сабантуйлар Раян өчен аеруча да шатлыклы булды. Ул район күләмендә узган Балалар Сабан туенда, авыл сабан туенда батыр калып, тәкәгә, бүләкләргә лаек булды. Шулай ук бу көннәрдә генә Биектау районында узган зур Сабан туенда катнашып, баш батыр дәрәҗәсен яулады. Яшь көрәшче районга кыйммәтле бүләкләр, тәкә белән кайтты.