Колгына юлында тракторчының салмыш булуы ачыкланган

(20 май, “Апастово-информ”).

Чираттагы салмыш ир-ат трактор белән идарә иткәндә Колгына юлында очраган.
“Хәзерге заманда юлларда йөрүне куркынычсыз дип әйтеп булмый. Транспорт чаралары көннән-көн артып торган мәлдә фаҗигаләр әледән-әле чыгып, күпме зыян китерелә, кызганычка, кеше гомерләре дә өзелә. Руль артына салмыш килеш утырып чыгучыларның иминлеге икеләтә куркыныч астында. Шул ук вакытта аларның бер гаепсез кешегә дә зыян китермәсенә гарантия биреп булмый. Юлларда аек акыл белән йөрсәк иде”, - ди ЮХИДИ бүлеге җитәкчесе Румбик Гәрәев.