Машина йөртү таныклыгының яраклылык вакыты чыккан апаслыларга ашыгырга кирәкми

(13 июль “Апастово-информ”).

“Машина йөртү таныклыгының яраклылык вакыты чыккан машина йөртүчеләргә 15 июльдән соң юлга чыга алмыйм дип борчылырга һәм ашыгырга кирәкми. Машина йөртү таныклыгының яраклылык вакыты чыкса да, алар ел ахырына кадәр гамәлдә булачак”, - дип белдерделәр район ЮХИДИ бүлегендә.
Моңа кадәр агымдагы елның 1 февраленнән 15 июленә кадәр гамәлдә булу вакыты чыккан машина йөртү таныклыклары өстәмә белешмәләр һәм документларсыз автомат рәвештә озайтылган иде. Мондый чара кешеләр коронавирус чиреннән саклау максатыннан оештырылды.