Районның ЮХИДИ инспекторлары эссе көннәрдә машина йөртүчеләргә аеруча сак булырга киңәш итә

(16 август, “Апастово-информ”).

Юл сакчылары машина йөртүчегә юлга чыгар алдыннан иң элек автомобиль тәрәзәләрен төшереп, салонны җилләтергә, шуннан соң гына кондиционерны кабызырга киңәш итә. Эссе вакытта кул астында һәрвакытта су булырга тиешлеген, аны җитәрлек күләмдә кулланырга кирәклеген искәртә.

“Тизлек режимын күзәтегез һәм маневрларда бик игътибарлы булыгыз. Якты кояш күзне чагылдырырга, эсселек хәлне алырга мөмкин. Машина эчендә балаларны үзләрен генә калдыру катгый тыела”, - ди районның ЮХИДИ бүлеге җитәкчесе Румбик Гәрәев.