Кызлар сер бирми

16 ноябрь самбоның туган көне буларак билгеләп үтелде. Шул уңайдан самбо буенча Татарстан Республикасы Чемпионаты үтте. Биредә 1993-1994 елгы спортчылар катнашты. Апас районы командасы бу ярышларда сынатмады, район балалар һәм яшүсмерләрнең спорт мәктәбендә шөгыльләнүче балалар (тренер Илгизәр Вәлиуллин) кабат медальләр белән кайттылар. Хатын-кызлар арасында үз үлчәү категорияләрендә Апас аграр көллиятеннән Дилә Сабирова Татарстан Республикасы Чемпионы исеменә лаек булды, Изилә Сафина II урынны яулады. Яшүсмерләр арасында алар беренче урынга лаек булдылар.