Елгыр өлкәннәр

27 апрельдә узган пенсионерлар Спартакиадасында йөгерү буенча ирләр арасында беренче булып Балтайдан Илсур Гыйсмәтуллин, хатын-кызлардан Күккүздән Гүзәл Гайнетдинова килде. Бер урында торып еракка сикерүдә Ындырчыдан Хәйдәр Мөхәммәтҗанов һәм Балтайдан Гүзәл Хәмидуллина алдынгылыкка чыкты. Дартс ярышында иң төз атучылар - Тутайдан Мидхәт Мостафин һәм Апастан Гөлсинә Зәйнетдинова. Гомуми физик хәзерлектә Апастан Заһит Мостафинга һәм Күккүздән Гүзәл Гайнетдиновага тиңнәр булмады. Теннис ракеткасын кулында оста уйнатып Апастан Рәшит Шәйхиев җиңүче булды.