Узган шимбә киче бер машина йөртүче өчен бик күңелсез тәмамланган

(14 февраль, “Апастово-информ”).

Исерткеч эчемлекләр кулланып юлга чыккан машина йөртүчесе ЮХИДИ инспекторлары белән очрашкан.
Районның ЮХИДИ инспекторлары белдерүенчә, шофер район хастаханәсенә барса да, ләкин алкогольгә медицина тикшеренүе үтүдән баш тарткан. Аңа РФ КоАПның 12.26 маддәсе 1 бүлеге буенча беркетмә төзелгән. Машина йөртүчегә ялгыш гамәле өчен суд каршында да җавап тотарга туры киләчәк.
Районның ЮХИДИ бүлеге мәгълүматларына караганда, ел башыннан 7 салмыш машына йөртүче тоткарланган.

"Рейслар дәвам итә. Төп игътибар юллардагы һәлакәтләрне киметүгә, салмыш килеш руль артына утыручыларны чикләүгә юнәлтелә", ди ЮХИДИ бүлеге җитәкчесе Румбик Гәрәев.