Чаңгыга старт бирелде

Шимбә - 19 гыйнвар көнне Дәвеш авылында урнашкан "Зөя" ял-сәламәтләндерү үзәге базасында Казан Универсиадасын лаеклы каршылау, сәламәт яшәү рәвешен киң җәелдерү максатыннан районкүләм чаңгы ярышы узды. Сезонны ачып җибәрүче бу ярышта мәктәп, оешма-предприятие, авыл җирлекләре коллективлары, өлкәннәр һәм җитәкчеләр катнашты. Быелгы кышның беренче генә ярышы булса да, чаңгычылар сынатмадылар, билгеләнгән араны җилдәй җитез әйләнеп килделәр. Ярышта катнашучыларга "Зөя" ял-сәламәтләндерү үзәге коллективы тарафыннан кайнар ризык һәм чәй әзерләнгән иде. Барлык җиңүчеләргә дә район Советы һәм башкарма комитеты тарафыннан бүләкләр, Мактау грамоталары тапшырылды. Җиңүчеләр хакында киләсе саннан укый аласыз.