“Апас” якташлар җәмгыятенә Ульян өлкәсеннән Рәхмәт хаты килде

(13 февраль, “Апастово-информ”).

  Хатта “Гасырлар сагындагы манаралар – Апас районы авыллары мәчетләре”, “Күл буенда, кошлар тавында”, “Асыл төбәк – авылым Шәмәк” китаплары өчен рәхмәт сүзләре язылган.
  “Сезнең тәкъдим һәм җәмгыятьнең яшь вәкиле Аяз Хафизов ярдәме белән китапханәбез кабатланмас басмалар белән тулыланды. Алар китапханә фондында лаеклы урын алып тора, күп укучыларның игътибарын яулый, халкыбызның тарихы, мәдәнияте белән кызыксынучыларга ярдәм итә. Сезгә киләчәктә дә зур уңышлар телибез. Аралашып яшәрбез дигән ышанычта калабыз”, - диелгән хатта.