Апаска республиканың урман хуҗалыгы министры Равил Кузюров килде

–Урманчылык мәсьәләләрен белешү, район башлыгы белән уртаклашу, уртага салып сөйләшү, фикер алышу максаты белән килдек. Янгын куркынычсызлыгы чорын хәл итү, кисәтү ягыннан да эшләр оештыру һәм аның бергәләп нәтиҗәсен күрү турында да уртак уйларыбыз бар. Киләчәктә Апас районында яшел, матур урманнар үстереп, төрле программаларда катнашып, барлык мөмкинлекләрне дә сынап карарга уебыз бар. Урманнарыбыз гөрләп үссен, чиста, имин һәм бар җирдә тәртип булсын, – диде Равил Кузюров.