Апаста балигъ булмаганнар комиссиясенең чираттагы утырышы узды

  (27 август, “Апастово-информ”).

  Биредә район башкарма комитеты җитәкчесе урынбасары Гөлүсә Галләмова, район прокуроры ярдәмчесе Гөлнар Ганиева, район мәгариф бүлеге, янгын күзәтчелеге бүлеге хезмәткәрләре, мәктәп директорлары, тәрбия эшләре буенча директор урынбасарлары, директор ярдәмчеләре катнашты.
Район балигъ булмаганнар комиссиясенең сәркатибе Лилия Нәбиуллина хәбәр иткәнчә, биредә җәйге ялга йомгак ясалган, эш нәтиҗәләре яңгыраган, кисәтү чаралары уртага салып сөйләшенгән.