Апаста Бөек Ватан сугышы ветераннары бүләкләр алды

(19 апрель, “Апастово-информ“).

Быел да әлеге бүләкләр үз ияләренә барып иреште.

–Районда 6 Бөек Ватан сугышы ветераны һәм 2 Ленинград блокадасы шаһиты яши. Күчтәнәчләр һәрберсенә барып иреште“, – диде район башкарма комитеты җитәкчесе урынбасары Луиза Сафина.

Бөек Ватан сугышы ветераннарының өйләренә барып, хәлләрен белеп, күчтәнәчләр тапшырылды, бәйрәм уңаеннан котлаулар юлланды.

–Башка районнар белән беррәттән Апас районына да килдек. Ветераннар белән очрашып, аларга батырлыклары өчен рәхмәт әйтеп, исән чакта кадер-хөрмәт күрсәтергә тырышабыз“, – диде башкаладан килгән вәкил Зинаида Александровна.

Ветераннар рәхмәтләрен ирештерделәр, кабат сугышчан юлларын искә алдылар, хәтер яңарттылар.