Апаста җиңүчеләр Казанда да җиңәргә барырга әзерләнә
Апаста “Дельфин“ бассейнында өлкәннәр арасында ирекле стиль белән йөзү буенча районкүләм ярышларда 48 хатын-кыз һәм ир-ат катнашты.
Иң җитезләрне ачыклау турына яше 55 һәм 60 тан узган 25 кеше үтте.
-Бу сайлап алу ярышлары аеруча оешкан төстә узды,-диде 25 һәм 50 метрлы дистанцияләрдә җиңүчеләрне бүләкләү тантанасында район спорт һәм яшьләр эше комитеты җитәкчесе Рафис Хәбибуллин.
-Татарстан оешуның 100 еллыгына өлкәннәр арасында Казанда 15 ноябрьдә үтәчәк финал ярышларына барачак командага иң көчлеләрне генә тупладык, быел да җиңеп кайтырга исәплибез,-диде суда балыктай елгырларга Диплом-Грамоталар тапшырганда Россия Пенсионерлар берлегенең Апас оешмасы җитәкчесе Фәрит Кәлимуллин.
Район Пеесия Фонды җитәкчесе Илгизәр Вәлиәхмәтов та шундый ук теләкләрен җиткерде.
Ришат Җамалиев.
Следите за самым важным и интересным в Telegram-каналеТатмедиа
Нет комментариев