Апаста "Каралтылган тәрәзә" операциясе барышында кагыйдә бозучылар ачыкланган

(4 март, "Апастово-информ").

Әлеге операция барышында кагыйдә бозучы 5 шофер очраган. Алар арасында тәрәзәсен каралткан 4 машина иясе дә бар.

Таләп-кагыйдәләрне бозучыларга җавап бирергә туры килгән.
Юл сакчылары автомобиль тәрәзәсен каралту кагыйдәсен бозучыларны 500 сумлык штраф көтүен искәртә.
"Шоферга хатасын төзәтү өчен вакыт бирелә. Бер ел эчендә кабат кагыйдә бозган очракта РФ Административ хокук бозу кодексының 19.3 нче маддәсе 1 нче бүлеге буенча эш кузгатыла. Эш судка китә. Бу юлы инде 500-1500 сум штраф яки вакытлыча сак астына алыну ихтималы да бар",- ди ЮХИДИ җитәкчесе Румбик Гәрәев.