Апаста өлкәннәр зирәклектә сыналды

(10 октябрь, “Апастово-информ”).

  Ярышлар районның ветераннар (пенсионерлар) Советы, яшьләр эшләре һәм спорт бүлегенең уртак эшчәнлеге нәтиҗәсендә оештырылды.
  “Мондый турнирларның үзенчәлеге шунда, пенсионерлар ярышырга гына түгел, ә аралашырга да килә. Иң өлкән катнашучы Сөләйманов Рәшид абыйга 82 яшь. Ул шашкада җиңүче булды! Башка ветераннар да бик теләп катнашты. Аралашу шахмат тактасы артында гына түгел, чәй эчкәндә дә булды. Катнашучылар өчен ветераннар (пенсионерлар) Советы чәй әзерләде. Бәйрәм булды! Җиңүчеләр грамоталар һәм бүләкләр белән бүләкләнделәр”, - дип хәбәр итте районның ветераннар Советы җитәкчесе Гөлнур Насыйбуллина.