Апаста Республика көнендә паспортлар тапшырылды

  (29 август, “Апастово-информ”).

  Егет-кызлар мөхтәрәм җитәкчеләр кулыннан паспортлар алдылар. Аларның шатлыгын район башлыгы Айрат Җиһаншин һәм Россиянең Дәүләт Думасы депутаты Марат Нуриев һәм бәйрәмнең кунагы - “Ак Барс” банк идарәсе җитәкчесе урынбасары Илфан Гобәйдуллин уртаклашты.

  “Республикабыз бәйрәме күңелләрегездә туган җиребезгә карата горурлык хисе уятсын, яшәү көче өстәсен! Сез дә туры юлдан тайпылмыйча, илебезнең, республикабызның, районыбызның лаеклы кешеләре булып яшәгез. Апасыбыз данын еракларга танытып, аның киләчәге өчен хезмәт итегез. Сәламәт булыгыз! Илебезне яратыгыз!” - диде район башлыгы Айрат Җиһаншин.