Апаста шәхси йортта янгын чыккан

(24 июль, “Апастово-информ”). 

 23 июль көнне, 18 сәгать 30 минутта янгын сүндерү бүлегенә Апаста шәхси йортта янгын чыгуы турында хәбәр килә. Тиз арада вакыйга урынына килеп җиткән янгын сүндерүчеләр янгынны санаулы вакыт эчендә сүндерүгә ирешәләр. 
“Янгын йортның тышкы ягына чыгарга өлгерми калды. Тик шулай да йортның эчке өлеше яраксыз хәлгә килде. Янгын холодильникның төзексезлеге аркасында килеп чыккан дип фаразланды. Аяныч хәлләр кабатланмасын өчен йорт хуҗаларына электр приборларының, көнкүреш җиһазларының төзеклеген даими күзәтеп, тикшереп торырга киңәш итәбез”, - дип белдерде районның янгын күркынычсызлыгы бүлеге хезмәткәре Раил Кашапов.