Апастан кабат гуманитар ярдәм йөге озатылды

(8 декабрь. “Апастово-информ”)

Районда “Ярдәм янәшә” акциясе дәвам итә. Чит кеше бәласенә битараф булмаган райондашлар ярдәм кулы суза. Бу юлы апаслылар солдатлар өчен җылы өс киемнәре, оекбашлар, юрганнар әзерләделәр.
“Бердәмлек авырлык килгәндә сынала. Изге күңелле райондашлар ярдәме белән кабат гуманитар йөк тупланды: солдатлар өчен җылы өс киемнәре, оекбашлар, юрганнар әзерләнде. Изге эшкә авыл мәчетләре, мәдәният йортлары да кушылды. Апасның Кыр урамында яшәүчеләр бердәмлек үрнәге күрсәтеп, юрганнар, одеяллар, бал алып килделәр”, - дип белдерде “Алга” яшүсмерләр клубы җитәкчесе Илдар Салаватов.