Багыш авылында сугыш ветераны Ислам Насыйбуллин яшәгән урамга истәлек тактасы куелды

(19 апрель, “Апастово-информ”).

Чараны Багыш авылы клубы мөдире Сания Вафина һәм Илсөяр Әхмәтҗанова оештырган. Биредә Ислам Насыйбуллинның бердәнбер кызы Илсөяр Әхмәтҗанова да катнашкан.
“Истәлек тактасы сугыш ветераны Ислам Насыйбуллинның вафатына 40 ел тулу һәм Бөек Җиңү бәйрәме уңаеннан куелды. Бу уңайдан хәтер чарасы да узды. Авылыбызның өлкән яшьтәге мәчет картлары Ислам абый нигезендә аның рухына багышлап дога кылдылар. Ислам абый исемен йөрткән мәктәптәптә белем алучы балалар аның турында истәлекләрен яңарттылар”, - дип хәбәр итте Азат Мөхәммәтҗанов.